सबैभन्दा तिब्र गतिको इन्टरनेट भएका देशहरु

साभार स्रोत:अनलाइन खबर
 विश्वमा कुन देशमा सबैभन्दा तिब्र गतिको इन्टरनेट सेवा छ होला ? धेरैको उत्तर हुनसक्छ अमेरिका । तर होइन, अमेरिकाको इन्टरनेट सेवा विश्वको सबैभन्दा द्रुत गतिको हुन त परै जाओस् उत्कृष्ट १० भित्र पनि परेको छैन ।अकामाइ टेक्नोलोजी कम्पनीले गएको जनवरी देखि मार्च सम्मको तथ्यांकलाई आधार मानेर सार्वजनिक गरेको सूचिमा हंगकंग सबैभन्दा द्रुत गतिको इन्टरनेट भएको ठाउँको रुपमा पहिलो नम्बरमा परेको छ । हंगकंगको इन्टरनेट सेवाको औषत गति ६३.६ मेगाबाइट प्रति सेकेण्ड छ जुन विश्वको औषत गति भन्दा ३ गुणाले बढि हो ।
तिब्र गतिको इन्टरनेट भएको देशको दोश्रो स्थानमा जापान रहेको छ । जापानमा इन्टरनेट सेवाको औषत स्पिड ५० मेगाबाइट प्रति सेकेण्ड रहेको छ । तेश्रो स्थानमा प्रतिसेकेण्ड ४७.९ मेगाबाइट गति सहित रोमानिया रहेको छ । चौथो स्थानमा दक्षिण कोरिया रहेको छ । त्यहाँको इन्टरनेटको औषत स्पीड ४४.८ मेगाबाइट प्रतिसेकेण्ड छ । पाँचौमा लाटि्भया, छैटौँमा सिंगापुर तथा सातौँमा स्विजरल्याण्ड रहेको छ । उच्च गतिको इन्टरनेट सेवा रहेको देशमध्ये आठौँ स्थानमा बुल्गेरिया रहेको छ भने नबौँ स्थानमा नेदरल्याण्ड रहेको छ । दशौँ स्थानमा बेल्जियम रहेको छ ।

अमेरिका ११ औँ स्थानमा रहेको छ । अमेरिकाको इन्टरनेटको औषत गति ३६.६ मेगाबाइट प्रति सेकेण्ड रहेको छ । इन्टरनेटको तिब्रताको हिसाबले भारत १०९ औँ स्थानमा रहेको छ । तथ्यांक अनुसार नेपालको इन्टरनेटको  गति ६ मेगाबाइट प्रति सेकेण्ड रहेको छ । यो पिक कनेक्सन स्पीड हो । अकामाइको तथ्यांक अनुसार नेपालको इन्टरनेटको औषत स्पीड (एभरेज कनेक्सन स्पीड) ९०५ किलोबाइट प्रति सेकेण्ड रहेको छ ।
see more at: http://www.onlinekhabar.com/2013/07/99138/