शाहरुखले पछारे सलमानलाई..

साभार स्रोत: नेपाली हेडलाइन्स
केही समय यता खराब समयबाट गुज्रिएका बलिउड सुपरस्टार शाहरुख खानले जबरजस्त सफलता हासिल गरेका छन् । महत्वकांक्षी चलचित्र 'रा वन'ले वन्डर गर्न नसकेपछी केही ओइलिएका शाहुरुख नयाँ चलचित्र 'चेन्नइ एक्सप्रेस'को बक्सअफिस सफलतापछि 'रेकर्ड' एक्सप्रेस'मा सवार छन्।चेन्नइ एक्सप्रेसले पहिलो विकिण्डमै १०० करोड भारु क्लवमा स्थान बनाएको छ, जुन आफैमा एउटा रेकर्ड हो। 'चेन्नइ एक्सप्रेस'ले मात्र चार दिनमा १०० करोडको क्लवमा नाम लेखाएको हो। यसअघि सलमानको चलचित्र 'इक था टाइगर'ले ५ दिनमा १०० करोड भारु कमाएको थियो।चेन्नइ एक्सप्रेसले अन्य थुप्रै रेकर्ड तोडेको छ। चलचित्रेल बिहिबार पेड प्रिभ्युबाट ६ करोड ७५ लाख कमाएको थियो, यो पनि एउटा रेकर्ड हो, यसअघि यो रेकर्ड 'थ्रि इडियट'को नाममा थियो।

त्यसै गरि चलचित्रले शुक्रवार ३३.१२ करोड(भारु), शनिवार २८.०५ करोड(भारु) र आइतवार ३२.५ करोड(भारु)को व्यापार भारतमा गरको थियो। यसमा भारत बाहेका अन्य देशको कमाइ जोडिएको छैन् ।केही दिनमा चेन्नइस एक्सप्रेसले थ्रिइडियटको सर्वाधिक कमाईको रेकर्ड समेत तोड्ने सक्ने अनुमान छ ।शाहरुखको चलचित्रको बक्सअफिसमा शान्दार सफलतासंगै बलिउडमा सुपरस्टारको सुचिमा फेरबदल भएको विश्लेषण गरिएको छ । यसअघि नं १ मा रहेका सलमानलाई पछी पार्दै शाहरुख पछिल्ला ट्रयाक रेकर्डका आधारमा समेत नं १ बनेका छन्।त्यसो त शाहरुख र सलमानको दुश्मनी सकिसकेको छ तर नं १ को लडाई भने बलिउडमा कहिले सकिनेछैन्। अव चलचित्र पण्डितहरुको ध्यान सलमानको अर्को चलचित्र तर्फ छ।
see more at: http://nepaliheadlines.com/shahrukh-khan-beat-salman-in-box-office.html